Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 38-1} imaiya vil vāṅkiya īrm caṭai antaṇaṉ
• {KALI 38-2} umai amarntu uyar malai iruntaṉaṉ āka
• {KALI 38-3} ai iru talaiyiṉ arakkar kōmāṉ
• {KALI 38-4} toṭi poli taṭa kaiyiṉ kīḻ pukuttu a malai
• {KALI 38-5} eṭukkal cellātu uḻappavaṉ pōla
• {KALI 38-6} uṟu puli uru ēyppa pūtta vēṅkaiyai
• {KALI 38-7} kaṟuvu koṇṭu ataṉ mutal kuttiya mata yāṉai
• {KALI 38-8} nīṭu iru viṭar akam cilampa kūy taṉ
• {KALI 38-9} kōṭu puykkallātu uḻakkum nāṭa kēḷ
• {KALI 38-10} ār iṭai eṉṉāy nī aravu añcāy vanta kāl
• {KALI 38-11} nīr aṟṟa pulam ē pōl pulleṉṟāḷ vaikaṟai
• {KALI 38-12} kār peṟṟa pulam ē pōl kaviṉ peṟum a kaviṉ
• {KALI 38-13} tīrāmal kāppatu ōr tiṟaṉ uṇṭēl uraittai kāṇ
• {KALI 38-14} iruḷ iṭai eṉṉāy nī iravu añcāy vanta kāl
• {KALI 38-15} poruḷ illāṉ iḷamai pōl pulleṉṟāḷ vaikaṟai
• {KALI 38-16} aruḷ vallāṉ ākkam pōl aṇipeṟum a aṇi
• {KALI 38-17} teruḷāmal kāppatu ōr tiṟaṉ uṇṭu ēl uraittai kāṇ
• {KALI 38-18} maṟam tiruntār eṉṉāy nī malai iṭai vanta kāl
• {KALI 38-19} aṟam cārāṉ mūppu ē pōl aḻitakkāḷ vaikaṟai
• {KALI 38-20} tiṟam cērntāṉ ākkam pōl tiruttakum a tiru
• {KALI 38-21} puṟaṅkūṟṟu tīrppatu ōr poruḷ uṇṭēl uraittai kāṇ
• {KALI 38-22} eṉa āṅku
• {KALI 38-23} niṉ uṟu viḻumam kūṟa kēṭṭu
• {KALI 38-24} varum ē tōḻi nal malai nāṭaṉ
• {KALI 38-25} vēṅkai virivu iṭam nōkki
• {KALI 38-26} vīṅku iṟai paṇai tōḷ varaintaṉaṉ koḷaṟku ē